Son lea 9 jagi ja ássá iežas etniin, áhčiin ja unnaoappážiin. Son vázzá 4. luohkás. Iben lea rabas ja aktiivvalaš nieida geainna lea álki háleštit, ja son doaibmá bures luohkás sihke sosiálalaččat ja fágalaččat.
Gii leat don ságastallamis?
Don neavttát Ibena gulahallanoahpaheaddji. Don leat dovdan sihke Ibena ja su bearraša dan rájes go son álggii skuvlii.
Duogáš ságastallamii:
Iben lea sárgon tevnnega diimmus mainna don vuorjašuvat, ja don háliidat sus gullat man birra lea sáhka.
Ságastallama ulbmil:
Don háliidat gávnnahit mii dat lea mii dáhpáhuvvá govas ja ahte leago mihkkige man son háliida muitalit dutnje. Don sáhtát hárjehallat mo hukset luohttevašvuođa ságastallamis mánáin, mo sáhtát čájehit beroštumi ja jearrat rabas ja guorahalli jearaldagaid. Simulerema váldoulbmil lea dahkat du eanet oadjebassan go ságastalat mánáiguin geaid ektui lea vuorjašupmi.
Dehálaš smiehttat ságastaladettiin:
Soaitá Iben geažádallá juoidá dáinna tevnnegiin ja ahte dat sáhttá muitalit juoga man son lea vásihan. Leage várrogas vai son vásiha du oadjebas ságastallanguoibmin. Várut ahte it stivre ságastallama menddo sakka.