Lucas 14 jaepien båeries jïh tjidtjine, aehtjine jïh göökte nuerebe åerpenigujmie årroeminie. Dïhte 7.klaassesne vaadtsa.
Gie datne soptsestallemisnie?
Spïelesne datne leah åejvielohkehtæjja jïh Lucasem damteme mænngan dïhte 4. klaassesne veedtsi. Datne baernien vesties dåemiedimmine tjabreminie, men leah vuajneme Lucas maahta håjnan jïh oktegh vååjnedh.
Soptsestallemen fåantoe:
Lucas vestieslaakan dåemede, men aaj båarhte vååjnoe jïh sjeavohth. Dïhte ålkoestamme sjædta klaassevoelpijste jïh ij leah dan væjkele mubpiejgujmie stååkedidh. Rektovre datnem gohtjede jïh datnem birrie Lucasinie jïh altese eejhtegigujmie soptsestidh akten sjïeken gaavhtan maam lea govleme.
Soptsestallemen ulmie:
Voestes soptsestallemisnie datne tjåanghkoem Lucasinie jïh altese eejhteginie åtnah dejnie aajkojne pryövedh laavenjostoem sjugniedidh tsiehkien bïjre Lucasinie jïh laejhtemi bïjre mah leah båateme altese dåemiedimmien gaavhtan. Daate soptsestalleme datnem tjoeperde jïh datne eajhnadovvh Lucasinie soptsestidh jïh govledh guktie lea dejnie gåetesne.
Vihkele måjhtelidh soptsestallemisnie:
Akte haesteme daesnie lea ij fer varke maam joem darjodh jïh jiehtedh, jïh baajedh dov tjoeperdimmiem soptsestallemem stuvredh. Lucas maahta hijven jïh vihkeles gyhtjelasside pruskiehtidh jis dah fer varke soptsestallemisnie båetieh. Pryövh leajhtadimmiem åadtjodh åvtelen aalkah teemaj bïjre soptsestidh mah maehtieh prååsehke årrodh.