Lucas lea 12 jagi ja ássá iežas etniin, áhčiin ja guvttiin nuorat oarbiniin. Son vázzá 7. luohkás.
Gii leat don ságastallamis?
Don neavttát gulahallanahpaheaddji, ja leat dovdan Lucasa 6. luohká rájes. Don ražat gándda mášohis láhttemiin, muhto leat vuohttán ahte Lucasis orro leamen váivi ja orru veahá oktonas.
Duogáš ságastallamii:
Lucasis lea dohkketmeahttun láhtten, muhto lea maiddái jaskat ja ii čuovo nu bures mielde. Su skuvlavieljat ja -oappát olgguštit su ja son ii leat nu čeahppi stoahkat daid earáiguin. Rektor gohčču du čoahkkimii ja bivdá du ságastallat Lucasiin ja su váhnemiiguin, dan vuođul maid son lea gullan.
Ságastallama ulbmil:
Vuosttaš ságastallamis deaivvadat Lucasiin ja su váhnemiiguin, don geahččalat oažžut johtui ovttasbarggu Lucasa dili ektui ja daid moaitagiid vuođul mat leat boahtán su láhttemii. Dát ságastallan vuorjašuhttá du, ja don mearridat ságastit Lucasiin gullan dihte mo sus lea ruovttus.
Dehálaš smiehttat ságastaladettiin:
Hástalus dál lea ahte nagodat nu ahte it hohpohala ja ahte it divtte iežat vuorjašumi stivret oppa ságastallama. Buorit ja dehálaš jearaldagat sáhttet hilgojuvvot jus jearat daid menddo árrat ságastallamis. Geahččal háhkat veahá luohttámuša ovdal lahkonat áššiid mat sáhttet leat hearkkit.